تخيل !! يوم عانقني خيالك خاطري ....

استعرض الموضوع السابق استعرض الموضوع التالي اذهب الى الأسفل

تخيل !! يوم عانقني خيالك خاطري ....

مُساهمة من طرف Ahmed Khairy في الأحد 14 فبراير 2010 - 21:28

على ذكر‎ المواجع والسفر والحل والترحال !!
طويت آخر ورق عندي في دفتر أحزاني ...

طويته .. وانكسر قلبي وصوتي بالمواجع ســال
ودريت إن الظلام اللي تحت كف السهر جاني !!


جلست أجمع مسافاتي وأغني للسفر موال
على صفحة من الماضي بها حلمي وعنواني ..

بها كم سافرت عيني ليالي والظلام أهوال
وبها كم سافرت روحي وأنا بالليل وحداني

((حبيبي كل ما أشوفك تجي بالذاكره تختال
نهر من فايض الذكرى يجي من داخل أشجاني)) !!

تخيل !!
تخيل يوم عانقني خيالك .. خاطري وش قال !!
تخيل قبل أسولفلك نشدني عنك وجداني!.


نشدني لين خلاني (( مدينه هزها زلزال ))
تخيل !! ماهدى حتى لقاك بوسط شرياني


أروح لسدرة الموعد معاي لموعدك مرسال
وأخاف إنك تجي قبلي وترحل قبل تلقاني ..

هنا !!
هنا كانت ليالينا ((غـــــلا)) والمقبلات(( آمـــــال ))
وهنا كانت مواعيدك مطر تخضر به أغصاني !!


هنا شف .. باقي آثارك على رمل الوعد مازال !.
وهنا شف دمعه طاحت من عيونك على شاني

حبيبي !!
حبيبي لا تنشدني عن أوضاعي وكيف الحال !!!
أنا بعدك سحاب أبيض ((أضم الريح بأحضاني))

تسافر بي الذكرى وأحسب إني وصلت آخــر وطن بالبال !!
واثرني ماوصلت إلا بدايـــة درب حرماني

وتبقى سيرة الذكرى قصيده تكتب الترحال ..
سوالف للعيون اللي صداها "دمعةأحزاني"

...

avatar
Ahmed Khairy
Owner & Founder
Owner & Founder

عدد المساهمات : 358
تاريخ التسجيل : 20/01/2010
العمر : 29
الموقع : www.muslims-muslimwomen.yoo7.com

http://www.muslims-muslimwomen.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى