سعد علوش وقصيده روعه....الجرح

استعرض الموضوع السابق استعرض الموضوع التالي اذهب الى الأسفل

سعد علوش وقصيده روعه....الجرح

مُساهمة من طرف Ahmed Khairy في الأحد 14 فبراير 2010 - 21:32

الجرح ماهو خاطـر شـوي ويـروق
الجـرح حتـى لـو تشافـى يعللـك

واذاك متحمـس متاهـات وطـروق
انا تعبـت اشـد حيلـي واحاولـك

سماي ما شيّ شمس ورعـود وبـروق
والريـح ماهبـت ولايجـري الفلـك

والقلب ناشف بحر وشقوقـه شقـوق
وشلون بيكـوّن سحـاب ويبللـك

يا ضامي انا الضما ومتشبـع حـروق
واذاك ضامي للمواصل .. انا هلـك!!

هلك ووقف في وجهي الاصل والذوق
والمجتمع والعـرف والفقـر واهلـك

متعومـس وحـزن النبـلاء مرمـوق
يعني لو احتاج الك ماجيتك اسألـك

اللي علي اشكـي واعاتبـك برفـوق
واقولـك ودي مـاعـاد اتأمـلـك

مـن دورة الايـام ياخـوك مخنـوق
الوقت مشاني مـن السلـك لسلـك

ازل خطوه .. بس مـا ازل منطـوق
ولو صارت ابحب خشمك واجاملـك

يبقى البني ادم مجـرد ومخلـوق ملـك
ولكـن فـي الحقيقـه بـلا مـلـك

كذاب.. قايل كل مطـرود ملحـوق
سنين وانا اطردك وازريت لا اوصلـك

كنك تطيش وكني ادور فـي طـوق
كل ما وصلت اخرك يطلعلـي اولـك

ليت مافي خاطري شـوق وحـروق
ماكان حسيت ان انا بس منك والـك

الشوق ماهو رعشه وقبضـة عـروق
وماهو اللي من شينك فعينك يجملـك

وماهو شعور ياخالق الـروح برفـوق
وماهو سحر ولا ادري والله شقول الك

انا سحابة حلـم وتطيـر بـك فـوق
وتطـيـر ولا ودك انـهـا تنـزلـك

الشوق هذا .. والا انا شوقي البـوق
ماقد حصل في شوق هذي ولا تلـك

تدري وش اسوي ليا اضناني الشـوق
اسـوي بعيونـي كـذا واتخيـلـك

واقربـك واتـوق واتـوق واتـوق
واكثـرك واحلـف ماعـاد اقللـك

واصورك في الموق وتكبر على المـوق
وتطيح مع دمعي على ايدي واقبلـك

هذا غلاي اللي مـع الـدم مدقـوق
ولا عاد تسأل عن شعوري وازعلـك

محبة ماهيـب مـن طـارف السـوق
لو انك توكل.. كـان والله لاكلـك

جيتك حقوق ورحت ماعندي حقوق
وان قلت ما احبك ابجحد مواصلـك

احبك .. الا يا بـري حالـي وعـوق
من كثر ما احبك اخاف انـي اقتلـك



الشاعر/ سعد علوش
avatar
Ahmed Khairy
Owner & Founder
Owner & Founder

عدد المساهمات : 358
تاريخ التسجيل : 20/01/2010
العمر : 29
الموقع : www.muslims-muslimwomen.yoo7.com

http://www.muslims-muslimwomen.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى