عارفه ....

عارفه لما تبقى السما من غير نجوم

عارفه لما تمُر السنه كده ذي يوم

عارفه لما ينام الشيطان وفجأه يقوم

عارفه لما يكون البشر م الحنان محروم

يـبـقـى مـعـنـي الـحـيـاه انـعـدم

عارفه لما الكل يشهد زور

عارفه لما القاضي يحكم بكل غرور

عارفه لما الواحد يغضب ربه ويكون مسرور

عارفه لما عشان الحرام نعدي بحور

يـبـقـى صـوت الـحـق انـكـتـم

عارفه..مابقتش عارف اي حاجه

شايفه..كتر البكى خلاني مش شايف اي حاجه

سامعه..سمعت كتير كلام معجبنيش منه حاجه

خلاني قفلت ودني عن كل حاجه

والخوف اصبح مرض وبقينا نخاف من كل حاجه

بقينا نخاف حتى من روحنا
ومع التيار والموجه روحنا
وخلاص بقت كلمه تجيبنا
وكلمه تودينا
والعذر مهو مش بأدينا

وكأن العقل اتلغى
وزمن الفكر انتهى
وكأن السذاجه بقت لُغه
لُغه وزمنها ابتدا
والكل بيتكلم بيها
وكأن العالم مولود امبارح واتولد عليها

يا ترى لسه عارفه ؟؟